Murodjon Toshpulatov Halovatim qishloqda qolgan

O'tib borar yigitlik sekin
Izlari qum toshloqda qolgan
Ko'rinishdan beg'amman lekin
Ketar sochim qoralari ham
Lahzalarning saralari ham
Kuyar qalbim yaralari ham
Balog'atim qishloqda qolgan

G'am bag'riga tushgan kabi zang
Rasmimni bir g'ijimlab qarang
Ajinlarga boqing rangbarang
Halovatim qishloqda qolgan

Bilsa hazil bilmasa chin deb
Baxt tiladim o'zingdan tin deb
Kim o'ylapti shunday bo'lsin deb
Saodatim qishloqda qolgan
Balog'atim halovatim
Farog'atim qishloqda qolgan
Kim o'ylapti shunday bo'lsin deb
Saodatim qishloqda qolgan

Bitta gulning bahori edim
Bitta dilning hushtori edim
Yaxshigina bezori edim
Shijoatim qishloqda qolgan