Тайирбек Ысманалиев Болду таарынба

Кабак бүркөлүп
Качып чүмкөнүп
Беш мүнөттө калдың түнөрүп
Кашың түйүлүп
Келбей жүгүрүп
Келише албай бир топ жүдөдүк
А болду таарынба
Баары жайында
Чоң кемчилик койдум кетирип
Кабакты түйбөй
Кайгыны үйбөй
Карлыгачым койчу кечирип

Мурдуң мурчуюп
Бетиң бултуюп
Шайыр күлкүң капыс жоголду
Уксун күлсүн деп
Күлүп жүрсүн деп
Сага арнадым ушул обонду
Болду таарынбачы
Баары жайында
Бир касякты алдым кетирип
Кабакты түйбөй
Кайгыны үйбөй
Карлыгачым койчу кечирип