Guli Asalxo’jayeva Toychoq bolam toy bolam

Oftob nur suzib berdi
Bahor gul uzib berdi
Suyunchi beray keling
Bugun o'g'lim o'g'illik bo'ldi

Toychoq bolam toy bolam
Polvon bolam boy bolam
Tandirdagi shirin kulchadek
Issiqqina yoqimtoy bolam
Allohimda so'rganima
Intizor bo'lganima
Xush kelibsan o'zimni toy bolam

O'pay shirin yuzlaringdan
Tutay mitti qo'llaringdan
Xush kelibsan erkatoy bolam
Bo'y qo'shilib bo'yiga
Bug'doy to'lsin uyiga
Shukur yetkazdi bizni
Yana beshik to'yiga

Buvisining qaymog'i
Bobosining do'mbog'i
Xush kelibsan Xush ko'rdik
Uyimizning chirog'
Hech bir ne'mat bosolmas
Shirin Farzand o'rnini
Dunyodagi har bir qiz
Ona bo'lsin bir kuni

Allohimda so'rganima
Intizor bo'lganima
Xush kelibsan o'zimni toy bolam
O'pay shirin yuzlaringdan
Tutay mitti qo'llaringdan
Xush kelibsan erkatoy bolam